Itzulpen Ikastaroa Donostian
EIZIE

Urtero bezala aurten ere itzulpen ikastaro bat emango du Itzultzaile Eskolak Donostiako Martutenen duen egoitzan. Gaiak landuko dituzten irakasleak Itzultzaile Eskolako irakasle direnak eta zirenak izango dira, aurreko urteetan bezala.

Ikastaldia, ohitura den bezala, ostiral arratsaldez eta larunbat goizez egingo da. Lehen mailako ikastaldia, Azarotik Gabonetara bitartekoa, azaroak 7, ostiralean hasiko da, eta esan bezala Gabonak arte iraungo du. Bigarren mailako ikastaroari, berriz, Otsailean emango zaio hasiera.

Lehenengo mailako ikastaldi honetan banatuko diren gaiak honako hauek izango dira:

1. Itzulpen teoria: Sarrera. Itzulpen prozesuaren azterketa. Itzulpenezko korrespondentziak. Itzulpen prozesuan eragina duten faktoreak.
2. Linguistika: Hizkuntzaren atal nagusiak: Hizkuntzalaritzaren ikasketa alderdiak. Hizkuntz zeinua.
3. Itzulpena eta hizkuntz eredua: Euskarazko hizkuntz ereduak. Hizkuntza mailak.
4. Itzulpen azterketa: Oinarrizko kontzeptuak. Hizkuntzaren oinarrizko estilistika - estilistika pertsonala. Ariketa praktikoak.
5. Itzulpen pragmatikoa: Ariketa mailakatuak.
6. Itzulpen literarioa: Ariketa mailakatuak.

Bigarren mailako ikastaldian, Gabonetatik aurrerakoan, landuko diren gaiak honako hauek dira:

1. Itzulpen teoria: Itzulpeneko baliokidetasunaren ikerketa. Hizkuntz zeinuen mailako baliokidetasuna. Enuntziatuaren mailako baliokidetasuna. Mezuaren mailako baliokidetasuna. Situazioaren deskribapena eta baliokidetasuna. Komunizazio-helburua eta baliokidetasuna. Ariketak.
2. Linguistika: Hizkuntza, hizketa, araua. Linguistika eta itzulpena.
3. Itzulpena eta hizkuntz eredua: Hizkuntza mailak eta testu mailak: ariketak.
4. Sintaxia eta mezuaren antolam,endua: Antolamenduaren azterketarako oinarri teorikoak.
5. Itzulpen pragmatikoa: Ariketa mailakatuak.
6. Itzulpen literarioa: Ariketa mailakatuak.