Munduko Poesia Kaierak: 50 poeta etxean eta 14 bidean
Hamar urte bete dira aurten Susa argitaletxearen Munduko Poesia Kaierak bilduma abian jarri zenetik. Bitarte horretan, mundu zabaleko 50 poetaren antologiak osatu eta euskarara ekarri ditu bildumak, 45 itzultzaileren eskutik. Efemeridea ospatzeko, iraganera so ez baizik eta datorrenari begira jarri gara artikulu honetan. Hala, martxan dauden kaieretatik abiaturik, 14ko lagin bat bildu dugu artikulu honetarako: 14 poeta, 14 itzultzaile eta 14 poema, itsumandoka jolasteko, zer norena den ez dakigula.
