Urruneko interpretazioa

Ablio

Ablio merkatu globaleko plataforma bat da, zuzeneko interpretazio-zerbitzuak eskaintzen dituena munduko edozein lekutan eta edozein unetan. Ablio plataformak alderdi operatibo guztiak automatizatzen ditu. Erabiltzaileak behar dituen bi hizkuntzak hautatu ondoren, interprete bat identifikatzen du baldintza horien arabera, eta konexioa ezartzen du erabiltzailearen, interpretearen eta kontraparteen artean. Deiaren amaieran, zerbitzua erregistratu eta fakturatu egiten dio erabiltzaileari.

Interprefy

Interprefy urruneko aldibereko interpretaziorako online plataforma bat da. Edozein tokitatik eta edozein unetan lan egiteko aukera ematen die interpreteei. Erabiltzaileek plataforman bertan edo haren aplikazioan jardun dezakete, edo haren luzapena Zoom edo Webex plataformetan txertaturik. Interprefyk ez ditu interpreteak zuzenean kontratatzen edo gaitzen; hizkuntza-zerbitzuen hornitzaile nagusiekin jartzen da harremanetan, eta kalifikaziorik onena duten interpreteak bilatu eta gaitzen ditu.

Kudo

KUDO lineako bileren eta zuzeneko hitzaldien interpretazioa denbora errealean transmititzen duen tresna bat da. Interpreteei plataformaren inguruko formakuntza jasotzeko aukera ematen die.

Olyusei

Olyusei aldibereko interpretazio zerbitzuak eskaintzen dituen sistema bat da. Zenbait modalitatetan jarduteko aukera ematen du: erabat online, erdi online erdi presentzial, kabina birtualetan, etab. Urruneko interpretazioa Olyusei-ren egoitzetatik egiten da, horretarako prest dituzten kabinetatik. Zenbait ekitalditarako, interpretazio presentziala ere eskaini izan dute.

Voiceboxer

VoiceBoxer web-plataforma eleaniztun bat da, aurkezpenak, bideokonferentziak eta mintegi birtualak egiteko. Urruneko jardunerako egokitutako kabina birtualak ditu, eta, horien bidez, interpreteek bikoteka lan egin dezakete, esatariarekin komunika daitezke, etab.

ZipDX

Audio-konferentziak egiteko tresna bat da, baina harremanetan daude zerbitzu linguistikoak eskaintzen dituzten hainbat enpresekin.