Itzultzaile Berriak
Euskal literatura atzerrian ezagutarazteko asmoz, DSS2016EU Fundazioak eta Etxepare Euskal Institutuak Itzultzaile Berriak izeneko egitasmoa jarri zuten martxan 2015ean. Itzulpenaren bitartez euskal kultura atzerrian sustatzea eta euskaratiko itzultzaile berriak trebatzea ziren programaren xede nagusiak, baita itzulpengintzak euskal kulturaren garapenean duen egitekoa azaleratzea ere.
2016. urtean, Europako zortzi itzultzaile izan ziren Euskal Herrian, eta EIZIEk hainbat ekimen antolatu zituen haiekin. Hurrengo hiru urteetan, joan-etorriko bidea eginez, haietariko hiruren herrialdeetara joan ziren EIZIEko ordezkariak (Esloveniara, Bulgariara eta Poloniara).
2021ean, COVID-19aren pandemiak eragindako etenaldiaren ondoren, berriro ekin zitzaion programari, Saison Québec - Pays Basque 2021-2022 egitasmoaren baitan.
