Arlo judizialeko interpretazio-zerbitzuen gabeziei buruzko komunikatua

EIZIEk bat egin du Kataluniako APTIC elkartearen komunikatuarekin

APTICek salatu duenez, duela gutxi Roger Españolen epaiketan agerian geratu zen interpretazio-zerbitzua ematen zuen enpresaren profesionaltasun falta, eta, ondorioz, ez zen bermatu epaiketan katalana erabiltzeko eskubidea. Azaldu dutenez, enpresa horrek interpretazio-zerbitzu eskasa eskaini zuen, oinarrizko eskubideak jokoan dauden testuinguru batean.

Ez da kasu isolatua: elkarte profesionalok aspalditik salatu ditugu arlo judizialean egiten diren interpretazio-praktika txarrak, lizitazioen pleguen baldintzen ondoriozkoak. Vértice sareko beste hainbat elkartek ere bat egin dute komunikatuarekin.

Irakurri komunikatua hemen, katalanez.

Irudia: succo (Pixabay)