EHU Udako ikastaroak: adimen artifiziala, itzulpengintza eta feminismoa hizkuntza gutxituetan

Bi ikastaro antolatu dituzte: Lehena, «Hizkuntza gutxiagotuak eta adimen artifiziala», uztailaren 1ean, Baionan (eta online zuzenean). Bigarrena, «Itzulpengintza, feminismoa eta hizkuntza gutxituak elkartrukean», uztailaren 6an eta 7an, Donostian.

Hizkuntza gutxiagotuak eta adimen artifiziala

Zuzendaria: Aitzol Astigarraga Pagoaga

Helburuak

• Pirinioetako bost hizkuntzek (euskara, okzitaniera, aragoiera, aranera, katalana) AA-ren aurrean duten egoera ezagutzea.
• Lankidetza mugaz gaindikoak hizkuntza gutxiagotuei nola laguntzen dien ikustea.
• Bikoizketa automatikoko plataforma berria aurkeztea.
• Gakoak eta erronkak mahai gainean jartzea: politika, teknologia eta gizartea.
• Bikaintasun sarearen manifestua eguneratzea eta sinatzea.

Non eta noiz: Baionan, uztailaren 1ean.

Matrikula, doakoa.

Informazio gehiago eta izen-ematea, hemen.

Itzulpengintza, feminismoa eta hizkuntza gutxituak elkartrukean

Zuzendariak: Elizabete Manterola Agirrezabalaga eta Ane Irizar Melero

Helburuak

• Feminismoaren eta itzulpengintzaren elkarrekintza arakatzea, hizkuntza gutxituak ardatz hartuta, euskaran jarrita fokua.
• Ikuspegi kritiko eta inklusiboa sustatzea, ikuspuntu intersekzional batetik, eta nola itzulpenak egitura patriarkalak erreproduzitu edo desafiatu ditzakeen hausnartzea .
• Itzulpengintzan erabaki kontzienteak har daitezen sustatzea, joera sexistak edo hizkuntzaren ikusezintasuna saihesteko.
• Botereari buruzko hausnarketa bultzatzea, kontuan izanda hizkuntza eta genero hegemonien aurrean itzulpena nola izan daitekeen erresistentziarako gune.
• Gizarteko agente ezberdinak (ikertzaileak, hizkuntza-teknologien garatzaileak, argitaletxeak, itzultzaileak) biltzea, gizarte mailako eragina duten itzulpen estrategiei eta ikuspegi feministari buruz hausnartzeko eta eraldaketa bultzatzeko.

Non eta noiz: Donostian, uztailaren 6an eta 7an

Informazio gehiago eta izen-ematea, hemen.