Allen Ginsberg-en «Howl», euskaraz

Aurten beteko dira 50 urte Allen Ginsberg amerikar poetaren Howl poema liburua argitaratu zela. Beat belaunaldiaren ikur, Ginsberg idazle, irakasle eta giza eskubideen aldeko borrokalari sutsua izan zen.

Ginsberg-ek errezitaldi batean irakurri zuen lehenengoz Howl poema 1955ean, eta urte muga hori ospatzeko, Harkaitz Canok euskaratu zuen iaz, Ulua izenburuaz. Susa argitaletxeak liburuxka batean argitaratu eta 2005eko Durangoko Azokan opari egin zien bere irakurleei.

Howl poema liburuaren 50. urteurrena dela eta, ekitaldiak egiten ari dira USAn eta Ingalaterran. Ospakizun horiekin bat eginik, Susa Argitaletxeak sarean ipini du Harkaitz Canok euskaratutako Ulua.