Lehiaketa bat Liburuaren Eguna ospatzeko!

Literatura Unibertsala eta Urrezko Biblioteka bildumen gaineko lehiaketa bat prestatu dugu, eta sariak ere banatuko ditugu!

Literatura Unibertsala eta Urrezko Biblioteka bildumen gaineko 10 galdera prestatu ditugu, eta bakoitzari hiru erantzun posible gehitu dizkiogu (galdera bati, bi).

Bi sari banatuko ditugu:

1) Zozketa bat egingo dugu galdera guztiak ondo erantzun dituzten parte-hartzaileen artean.

    Saria. Bi liburu: Literatura Unibertsaleko liburu bat eta Urrezko Bibliotekako beste bat. Irabazleak aukeratzen dituenak.

2) Zozketa bat egingo dugu denak ondo erantzun ez dituzten parte-hartzaileen artean.

     Saria. Liburu bat: Literatura Unibertsaleko liburu bat edo Urrezko Bibliotekako bat. Irabazleak aukeratzen duena.

Parte hartzeko epea: 2024ko apirilaren 23a

JOAN GALDETEGIRA (Zalantzarik izanez gero, EIZIEren webgunera jo dezakezue, eta Nor da Nor datu-basera. Hor topatuko dituzue erantzun guzti-guztiak).

EIZIEren sare sozialetan eta albistegietan jakinaraziko dugu zein diren irabazleak. Nolanahi ere, irabazleei mezu bat helaraziko diegu, zer liburu aukeratu dituzten galdetzeko.

Anima zaitez, eta anima itzazu ingurukoak ere!