Joannes Jauregik irabazi du Jokin Zaitegi saria

Joannes Jauregik itzuliko du Jon Fosse idazle norvegiarraren 'Trilogia' eleberria.

Joannes Jauregik aurkezturiko proiektuak irabazi du Jokin Zaitegi itzulpen-lehiaketa –Literaturako Nobel saridunak euskaratzeko AEDk eta Elkar-ek Arrasateko Udalaren eta Laboral Kutxaren laguntzarekin antolatua–.

Halaxe erabaki du Santi Leonek, Gema Lopez Las Herasek eta Juan Mari Mendizabalek osaturiko epaimahaiak, aurkezturiko lan guztien artean. Beraz, iazko urte amaieran Suediako Akademiak Nobel saridun hautaturiko Jon Fosse idazle norvegiarraren Trilogia euskaratu beharko du itzultzaileak, eta 2024 urte amaieran emango du argitara Elkar argitaletxeak.