GOI institutua (UEU): 'Euskara eta Digitalitatea' graduondokoa

Online eskainiko da, baina hasiera-ekitaldia eta amaiera-ekitaldia aurrez aurre egingo dira. Arduraduna: Uxoa Iñurrieta.

Bi helburu nagusi izango ditu graduondokoak: batetik, eskuragarri dauzkagun euskarazko tresna eta baliabide digitalak ezagutaraztea, eta, bestetik, gaur egungo egoera aztertuta, teknologia digitalen arloan euskara zaintzeko eta sustatzeko estrategiak lantzea.

• Nori zuzendua: Teknologia digitalek euskaran duten eraginaren inguruan interesa duen edonork parte har dezake graduondokoan, aurretik eginiko unibertsitate-ikasketak edozein direla ere.
• Hizkuntza: euskaraz
• Modalitatea: online, graduondoko-hasierako eta -amaierako ekitaldi presentzial banarekin
• Kredituak: 18 ECTS
• Egutegia: 7 hilabete, 2024ko urritik 2025eko apirilera
• Prezioa: 990 € (ikus dirulaguntzen informazioa matrikulari buruzko atalean)

Izen-ematea uztailaren 5era arte egongo da zabalik.

Ikus hemen informazio guztia.