Aiora Jaka itzultzailea, IBBYren Ohorezko Zerrendan

Annie Ernaux-en "Neska baten memoria" liburuaren itzulpena hautatu dute.

2026ko IBBYren Ohorezko Zerrendan sartu dute Aiora Jaka. Kalitate handiko haur- eta gazte-literaturako liburuak hautatzen dituzte bi urtez behin, eta IBBYren kide diren herrialdeetako idazle, ilustratzaile eta itzultzaileak nabarmentzen dituzte.

Galtzagorri elkartearen ekimenez IBBY Espainiaren bitartez egindako proposamenei esker, Aiora Jakak itzulitako Neska baten memoria (Igela, 2024) eta Patxi Zubizarretak idatzitako Zerria (Erein, 2022) lanak sartu dituzte zerrendan.