«NOLA JOKATU euskaraz erdarazko prosa bihurrien aurrean» ikastaroa, Juan Garziarekin

«NOLA JOKATU euskaraz erdarazko prosa bihurrien aurrean» ikastaroa antolatu du EIZIEk, Juan Garzia irakaslearekin.

Donostian egingo dugu, Euskaltzaindiaren egoitzan, 2017ko maiatzaren 23an, 24an eta 29an, arratsaldeko 16:00etatik 20:00etara. Guztira 12 ordu izango ditu (4 orduko 3 saio).

Mintegi honetan, euskarazko prosaren bide naturaletatik aldentzen diren testuetako egiturak itzultzeko estrategia eta taktika egokiak landu nahi ditugu; horretarako, egunero darabiltzagun itzulgaietatik lagin batzuk hartu, eta haiei ekingo diegu; aukerako diren itzulpen-bertsioak konparatu, eta haien egokitasuna ebaluatuko dugu.

Izena emateko epea: 2017ko maiatzaren 8tik 15era, biak barne.