Haur eta gazte literaturaren itzulpeneko «Vitoria-Gasteiz» sarietarako deialdia

Gasteizko Udalak haur eta gazte literaturaren alorrean euskarara egindako itzulpenik hoberenak -2013an argitaratuak- saritzeko Vitoria-Gasteiz Sarietarako deialdia argitaratu du 2014ko maiatzaren 28ko ALHAOn (Arabako Lurralde Historikoaren Aldizkari Ofiziala). Sari bana emango da, bi sail hauetan: Haur literatura (6-12 urte), diploma eta 9.000 euro. Gazte literatura (13-18 urte), diploma eta 9.000 euro.

2013ko deialdian bezala, parte hartzeko beharrezkoa da Gasteizko Udalerrian erroldatuta egotea (4. a baldintza).

Proposamenak aurkezteko epea 2014ko uztailaren 29an amaituko da (deialdia argitaratu denetik bi hilabetera).