EIZIE Badu Badan: «Gure gaztetxoak itzultzaile handiak» tailerra
![EIZIE Badu Badan: «Gure gaztetxoak itzultzaile handiak» tailerra EIZIE Badu Badan: «Gure gaztetxoak itzultzaile handiak» tailerra](https://eizie.eus/eu/albisteak/1361269209/@@images/abec31c1-b6e4-406a-99b3-59393dbd0ee1.jpeg)
2013ko urtarrilaren 29an, EIZIEk eta Galtzagorri elkarteak Gure gaztetxoak itzultzaile handiak tailerra antolatu zuten Badu Bada erakusketan. Orixe ikastolako neska talde bati ipuin bat itzultzea proposatu genien, gaztelaniatik euskarara: Orejas de Mariposa / Tximeleta-belarriak. Saioa girotzeko, Patxi Zubizarretak liburuen izenburuak itzultzerakoan gertatzen diren aldaketa eta bitxikeriez hitz egin zien parte-hartzaileei, bere liburuen adibideak aipatuz. Ondoren, Fernando Reyk lanean jarri zituen ikasleak, binaka. Haiek testua itzuli ahala, Reyk iruzkinak egin zizkien, eta, kasu batzuetan, berak nola eta zergatik itzuli zuen adierazi.