Jokin Zaitegi XXII. itzulpen sariketa
Literatura Nobel sariak euskaratzeko beka 2008 Arrasateko AED Elkarteak eta Elkar argitaletxeak , Kutxaren laguntzarekin, Jokin Zaitegi arrasatear idazlea gogoratzeko eta hark literatura unibertsala euskaratzen egindako ahaleginari jarraitzeko, XXII. Jokin Zaitegi Sariketa antolatu dute. Aurten Jean-Marie Gustave Le Clézio-k idatzitako Désert (Basamortua) eleberria itzularaziko da bekaren bidez.
Sariketara Desert eleberriaren lagin bat aurkeztu behar da euskaraturik. Hiru kopia bidali behar dira, postaz, AED Elkartearen egoitzara (Pablo Uranga 4 behea, 20500 Arrasate), 2008ko abenduaren 15a baino lehenago; ez da itzultzailearen izenik agerian jarri behar, baina bai goiburu bat; itzultzailearen datuak eta telefonoa gutunazal itxi baten barruan adieraziko dira, eta azalean goiburu bera errepikatu.
Epaimahaian, Iñigo Errastik, Mikel Garmendiak eta Kattalin Totorikak izendatuko dute irabazlea, aurkeztutako lan guztietatik.
Irabazleak 7.500 euroko saria irabaziko du Désert (Basamortua) eleberria osorik itzultzeko: diru erdia jakinarazpena egitean jasoko du, eta beste erdia lan amaitua entregatu ostean. Lan amaitua 2009ko irailaren 30a baino lehenago aurkeztu behar du Elkar argitaletxean.
Elkar etxeak argitaratuko du Désert (Basamortua) eleberria euskaraz, 2009ko Durangoko Azoka baino lehenago.
Argibide gehiago:
elkarlanean abildua elkarlanean.com
aed abildua aedelkartea.com
