«Gure gaztetxoak itzultzaile handiak» tailerra, Errenterian - 2019

Hirugarren urtez, Errenteriako Udal Liburutegiak «Gure gaztetxoak itzultzaile handiak» tailerra antolatu du, Euskararen Egunaren bezperatan, herriko neska-mutilek hizkuntzen inguruan hausnar dezaten eta harekin jolas egin dezaten. Izan ere, itzulpengintzara hurbiltzea du helburu tailerrak: zer den, nork egiten dituzten, nola… 

gaztetxoak_errenteria2019_1.jpg

Bederatzi taldek parte hartu dute tailerrean, gutxi gorabehera 160 ikaslek: Cristóbal Gamon ikastetxeko 5. eta 6. mailako ikasleek eta Koldo Mitxelenako 6. mailakoek. Saioak Errenteriako Haur Liburutegian egin dira, azaroaren 25an, 26an, 27an eta 28an.

Aurten ere, Patxi Zubizarreta idazle eta itzultzailea eta Fernando Rey itzultzailea izan dituzte gaztetxoek irakasle-laguntzaile-dinamizatzaile. Zubizarretari entzun ondoren nola egiten den ipuin bat, zer ibilbide izaten duen, zenbat eta zenbat hizkuntzatan irakurtzeko aukera duten munduko gaztetxoek, Reyk ipuin bat itzultzeko proposatu die, betiere beraren laguntzarekin. Ikustekoa da gaztetxoek nola erantzuten dioten erronkari!

gaztetxoak_errenteria2019_2.jpg

Aurten, ipuin hauek itzuli dituzte tailerrean:

  • Laster, laster! Idazlea: Magdalena. Itzultzailea: Uxue Rey
  • Ipuinak nahasten! Idazlea: Gianni Rodari. Itzultzailea: Fernando Rey