'Ezer ez eta festa', Zarautzen

Ezer ez eta festa podcastaren atal berezi eta zuzenekoa egingo dute Irene Arrarats eta Maialen Berasategi podcastaren sortzaileek.

Ez da atal monografiko bat izango: zizti-zazta ibiliko dira honetaz eta hartaz (besteak beste, zenezaketela, zintuzketegu eta halako aditzen hitz-appealaz, Juan Garziari esapidea lapurtuta), beharbada ohi baino umoretsuxeago eta, ohi bezala, jende interesgarriaren aipu interesgarriak eta musikari interesgarrien kantu interesgarriak lagun.