«Ingelesa-Euskara itzulpen mintegia» - 2013
Norentzat
Ingelesetik euskarara itzultzen trebatu nahi lukeen edonorentzat, edo hizkuntza-konbinazio horretan jardun eta gogoeta eta iritzi-trukea egin nahi lukeen edonorentzat.
Helburuak
Ingelesetik euskararako itzulpenean trebatu. Hizkuntza-konbinazio horretan sortzen diren zenbait arazo landu.
Edukia
Zientzia-dibulgazioko eta kazetaritzako testu batzuk landuko dira.
Metodologia
Mintegia guztiz praktikoa izango da. Ikasleei testu batzuk bidaliko zaizkie aldez aurretik, eta testu horien itzulpena EIZIEra bidali beharko dute, data jakin baterako. Mintegiaren koordinatzaileak, gero, itzulpen horiek abiapuntu hartuz, mintegian denon artean eztabaidatzeko zuzenkizun eta proposamenak landuko ditu. Oso garrantzitsua da, beraz, ikasleek itzulpenak egitea eta EIZIEra garaiz bidaltzea.
Irakaslea
Itziar Otegi
Noiz
2013ko azaroaren 21ean eta 22an
Non
Donostian, Kirol Etxean
Ordu-kopurua
Guztira, 8 ordu
Ordutegia
16:00 - 20:00
Prezioa
Bazkideak: 80 euro
Ez bazkideak: 120 euro
Izena emateko epea
2013ko urriaren 17tik 29ra, biak barne
Oharra:
- Ikasle kopurua mugatua da, eta EIZIEko bazkideek izango dute lehentasuna.
- 2013ko urriaren 31n jakinaraziko zaie eskatzaileei onartuak izan diren edo ez.